لیکوال: جمیل میړنی بـــــرخه: نوري مقالې

دلیندی په ۲۸ نیټه په حساب دریو تنو فدايي اتلانودسهارله پنځه نیموبجو څخه دورځي تر۹ بجوپوري دلوی او مقتدر رب جل جلاله په مرسته وکولای شول چې د ننګرهار ولايت د تورخم په سرحدي ښارګوټې کې دامريکايانو مهم نظامي مرکز او د اکمالاتولوی تم ځای په بل مخ واړوي اوټول ولاړپوځي وسایط ، وسلي اوقیمتي سامان الات سکروټې او خاورې ایرې وګرځوي !

ورستی لوی اوتاریخي زیان چې امریکایانوته ورواوښت علت یې دانه وو چې په دغه لوی امریکايي تم ځای او مرکزباندي امنیتي حصار او څارنه وو موجود، بلکې داهرڅه وو اوشاوخواترینه داخلي اجیروعسکرو کلکي اوحاکمي پوستي جوړي کړي وي اوداسې هم نه وو چې دریو تنو اتلانو تنهاپوځي وسایط اوزخیري له منځه یووړي ، بلکې له هغوی سره یې هم ترورستۍ سلګۍ اومرمۍ پوري په ډیرمتانت اوشجاعت جګړه وکړه اودرانه تلفات یې ورواړول.

په ياده څلورساعته نښته کې چې په سپکو او درنو وسلو د سمبالو فدايي مجاهدينو لخوا په خورا ځيرکتيا او تاکتيک سره ترسره شوه ، د دښمن دوه مهم هدفونه يې له منځه يوړل ، لومړی هدف چې د اکمالاتي موټرو تر ټولو ستر تم ځای بلل کيده په ټوليزه توګه له منځه يوړل شو، د برید نه مخکې ياد تم ځای ته په لسهاوو ميقناطيسي ماينونه د ننه کړل شوي وو چې ټول په عراده جاتو پورې په خورا مهارت نښنول شوي او بیا د برید په مهال يو يو منفجر کړل شول، په دوهم هدف چې د بهرني او کورني دښمن ګډ هستوګن ځای وو هم مخامخ فدايي بريدونه وشول چې د سپکو او درنو وسلو په ګوزارونو سره دښمن ته په خوب خونو، پيره دار خانو، نظام قراول او برجونو کې درانه د سر زیانونه واوښتل، چې د کره شمیرو له مخې مجموعا (۱۰۲) لوي ټانکونه، (۲۲) له پوځي وسائلو ډک کانټينر، (۱۴) د تيلو ډک ټانکر، (۴۸) بار ټيلر او په ډير ګڼ تعداد کې نور نظامي نقلیه وسائط او مهمات له منځه لاړل

دتورخم ورستی بریدپه داسې شیبوکې ترسره شواودریوتنوفدايي اتلانوامریکایي استعمارته دڅلورساعتونوپه اوږدوکې شاوخوا۲۰۰میلونه ډالرزیان واړاوه چې له یوه لوري غلیم غواړي خپله قیمتي تکنالوجي اوپرمختللي اضافي جنګي ماشین له افغانستان څخه انتقال کړي ، له بل لوري یې په دې ورستیوکې له خپلوغلامانوسره دیوې حلقه بګوشي جرګي په مهراوترڅ کې زړه ته څه ناڅه داخبره لویدلې وه چې ګواګي نوریې افغانستان دځان اومستعمره وګرځاواودامنیتي تړون اوقضايی مصؤنیت په مټ یې نورپه افغانستان کې جرړي اوځالي پخي وګرځیدي !؟

خودمجاهداوتاریخي افغانستان داستقلال او مقدساتواصلي علمبردارانواوسپاهیانودتورخم په ګوزارسره امریکایانوته په ډاګه کړه چې هغه څیري اوجرګي چې دوی دډالروپه زور دخپلوګټواومنافعولپاره استخدام کړي ، هیڅکله ددې خاوري اوولس استاځیتوب نشي کولای اونه هم ددې وس اوقدرت لري چې دیرغلګروپه وړاندې دافغان ولس دجهاداوانتقام عزم اوداعیه کمزوري اوخاموشه کړي .

دتورخم بریدامریکایانوته دغه پیغام په څرګندوټکوکې ورساوه چې که دوی ۲سوه تړونونه هم له خپلو اجیرانوسره لاسلیک اوګڼي جرګي اومرکي جوړي کړي ، نه به یې افغان مسلمان ولس منلوته تیارشي اونه به هم امریکایان اوددوی ګټي دسکون اوخوندي توب ساه واخلي ،ځکه دتیرو۱۳ کلونوپه اوږدوکې افغانانودامریکایانوڅیره اوخواخوږي ! له نیږدي ولیدله اوترټولومهمه خبرداده چې امریکایانودوه نیم لکه افغانان شهیدان کړل او دوه میلونه یې شکنجه کړل ، افغانان دنړۍ پرمخ هغه قوم اوولس دی چې ترڅودښمن اوقاتل ورته توبه ګارشوي وي نه وي اویايی انتقام ترینه اخیستی نه وي خوب په ځان حرام بولي .

نوښه به داوي چې امریکایان دڅوتنواجیرانوپه ډاډاوجاسوسۍ ونه غولیږي اوځانته په لوی لاس په افغانستان دمحوي اونابودی قبرونه کیندي ، کنه حال اوبرخلیک به یې دتورخم هغه لمبي او لوخړي وي چې ښایي امریکايی سیاروبه یې په زړه پوري ننداره کړي وي او دصحني جزیات اوژوندي شواهدبه یې په شداومدپه خپله حافظه کې درج کړي وي